​ഗൂ​ഗ്ളിനെതിരെ അന്വേഷണത്തിന് യു.എസ്

യു.എസ്സിലെ നിയമവിഭാഗമാണ് അന്വേഷണത്തിന് തയ്യാറെടുക്കുന്നത്‌

​ഗൂ​ഗ്ളിനെതിരെ അന്വേഷണത്തിന് യു.എസ്

വാഷിങ്ടൺ: ​ഗൂ​ഗ്ളിനെതിരെ വിശ്വാസലംഘന കുറ്റത്തിന് അന്വേഷണം നടത്താൻ യു.എസ്. യു.എസ്സിലെ നിയമവിഭാഗമാണ് അന്വേഷണത്തിന് തയ്യാറെടുക്കുന്നതെന്ന് വാൾ‍സ്ട്രീറ്റ് ജേർണൽ റിപ്പോർട്ടു ചെയ്തു. വെബ് സെർച്ചുൾപ്പെടെയുള്ള ഗൂ​ഗ്ളിന്റെ പ്രവർത്തനങ്ങൾ ഇതിനായി നിയമവിഭാഗം നിരീക്ഷിച്ചുവരുന്നതായി റിപ്പോർട്ടിൽ പറയുന്നു.

ഗൂഗ്ൾ, ഫെയ്സ്ബുക്ക്, ആപ്പിൾ തുടങ്ങിയ വൻകിടകമ്പനികൾ വിശ്വാസലംഘനനിരോധനനിയമം ലംഘിക്കുന്നതായി ആരോപണമുയർന്നിരുന്നു. വിഷയത്തിൽ ഗൂഗ്ൾ പ്രതികരിച്ചിട്ടില്ല.

നേരത്തേ പരസ്യമേഖലയിൽ അധാർമികമത്സരം നടത്തിയതിന് ഗൂഗ്ളിന് യൂറോപ്യൻ യൂണിയൻ 10,000 കോടി രൂപ പിഴചുമത്തിയിരുന്നു.

Read More >>